Ozarbayjonning Boku shahrida “Artnova” xalqaro tashkiloti tomonidan Ozarbayjon Respublikasi Madaniyat tashkilotlari, Rashid Bekhbudov nomidagi Ozarbayjon davlat teatri hamda boshqa tashkilot muassasalar hamkorligida oʻtkazilgan “Ijod parvozi” nomli yosh ijrochilar tanlovi boʻlib oʻtdi. Dunyoning iqtidorli yoshlarini jam etgan tanlovda har bir chiqishni tomosha qilish zavqli boʻldi.
Aytish kerakki, chiqishlar, ijrolar yosh iqtidorlarning mahorati-yu iqtidoridan soʻzladi. Sanʼatning kuchi yoshlarni ijod olamiga parvozga olib chiqqandek boʻldi. Quvonarlisi, unda Termiz shahar 1-son bolalar musiqa va san’at maktabining “Tasviriy san’at” mutaxassisligi 5-sinf oʻquvchisi Darin Bazarova faol ishtirok etib, oʻz yoʻnalishida faxrli 1-oʻrinni qoʻlga kiritdi.
