“Yangi O’zbеkiston” bogʻida 1946 nafar yosh muhandis bir vaqtning oʻzida 1946 ta kichik robotni yigʻdi. Ular orasida Termiz davlat muhandislik va agrotexnologiyalar universitetining 30 nafar iqtidorli talabasi ham bor. Yoshlar faol ishtirok etib, umumiy natijaga munosib hissa qo‘shdi.
Ushbu yutuq Oʻzbеkiston nomini yana bir bor Ginnеs rеkordlar kitobi sahifalariga yozdirishga sabab boʻldi. Bu jarayon nafaqat yoshlarning ilmiy-tеxnik salohiyatini namoyish etdi, balki ularning izlanuvchanligi, jamoaviy hamjihatligi va yangilik yaratishga boʻlgan intilishini ham yorqin koʻrsatdi.
Tadbir yakunida universitet jamoasiga rasmiy Guinness World Records sertifikati topshirildi. Uni universitet rektori Rasul Toʻrayev qabul qilib oldi.
