Termiz iqtisodiyot va servis universiteti Indoneziyaning Pendikan universiteti bilan hamkorligida “Biznesni boshqarish va tadbirkorlik” yo‘nalishida 10-xalqaro konferensiyani o‘tkazdi.
Indoneziyada tashkil etilgan tadbirda Termiz iqtisodiyot va servis universiteti professor-o‘qituvchilari ham faol ishtirok etdi. Unda taqdim etilgan ilmiy maqolalar dunyoning yetakchi nashriyotlaridan biri — Springer tomonidan chop etilib, Scopus xalqaro bazasidagi nufuzli jurnallarda e’lon qilinadi. Bu esa o‘zbek olimlarining ilmiy ishlanmalarini jahon miqyosida keng targ‘ib qilish imkoniyatini yaratadi.
Tadbir doirasida Pendikan universiteti Iqtisodiyot fakulteti bilan qo‘shma ta’lim dasturini amalga oshirish bo‘yicha shartnoma imzolandi. Unga ko‘ra, bakalavriat bosqichida “3+1”, magistraturada “1+1” modeli joriy etiladi. Dastur bitiruvchilari bir vaqtning o‘zida ikki oliygoh diplomlariga ega bo‘ladi.
