Ogohlik, burchimiz bo‘lishi lozim. Ko‘ngilsizlik, ofatlar so‘rab kelmaydi. Ana shunday paytda sarosimaga tushmasdan harakatlanish lozim. Boysun tumanida ayni jihatlarni hisobga olgan holda yong‘in xavfsizligini ta’minlash va uning oldini olishga qaratilgan amaliy mashg‘ulot o‘tkazildi. Mashg‘ulot davomida yong‘in sodir bo‘lishining oldini olish bo‘yicha zarur choralar, favqulodda vaziyatlarda harakat qilish tartibi hamda aholini ogohlikka chaqirish bo‘yicha tushuntirish ishlari olib borildi.
Mazkur mashg‘ulot yakunida tuman hokimligi, Favqulodda vaziyatlar bo‘limi hamda tegishli mutasaddi tashkilotlar vakillari ishtirokida tumandagi bozorlar, umumiy ovqatlanish muassasalari, maishiy gaz ballonlaridan foydalaniladigan obyektlarda yong‘in xavfi yuzaga kelishi mumkin bo‘lgan holatlar o‘rganildi. Tekshiruv jarayonida yong‘in xavfsizligi qoidalariga rioya etilish holati, mavjud texnik vositalarning ishlashga yaroqliligi, gaz ballonlaridan foydalanish tartibi hamda elektr tarmoqlarining holati ko‘zdan kechirildi.
Aniqlangan kamchiliklarni bartaraf etish bo‘yicha mas’ullarga aniq topshiriqlar berildi.
