“Yozgi universitet” loyihasi doirasida Termiz davlat muhandislik va agrotexnologiyalar universitetida malaka oshirayotgan Shihezi universitetining doktorant, magistr va bakalavr talabalari bugun Ingichka tolali paxtachilik ilmiy-tadqiqot institutida bo‘lishdi.
Mehmonlar institutda olib borilayotgan paxtachilik bo‘yicha ilmiy tadqiqot ishlari, xususan, yangi navlar yaratish va urug‘chilikdagi innovatsiyalar bilan tanishdi. Shuningdek, TDMAU Agronomiya, seleksiya va urug‘chilik kafedrasi mudiri, dotsent N. Abdurahimov tomonidan viloyat paxtachiligida erishilgan ilmiy yutuqlar yuzasidan mahorat darsi o‘tkazildi.
Uchrashuv talabalar va tadqiqotchilar uchun amaliy bilim va ilmiy tajriba almashish imkoniyatini yaratdi.
