Sho‘rchi tumanidagi “Laylakxona” mahallasida yashovchi Jang‘il Umaraliyeva 1-guruh nogironi. Shunga qaramay hayotdan, yashash sharoitidan nolimaydi. Jang‘il Umaraliyeva bolalarni yaxshi o‘qishga, fanlarga qiziqtirishga undaydi.
-O‘ttiz yil mahallamizdagi 7-umumta’lim maktabida o‘qituvchilik qildim, – deydi Jang‘il Umaraliyeva. – Taqdir ekan, 20 yildan buyon oyoqlarim ishlamay, aravachaga mixlanib qoldim. Hayotdan taqdirimdan norizo emasman. Hozir qo‘shnilarning farzandlariga, nabiralariga adabiyot, matematika fanlaridan uyda o‘tirib saboq beraman. Ularning bilim ko‘nikmalarini oshirishga hissa qo‘shayotganimdan quvonaman, albatta.
— Bir yildan buyon ustoz Jang‘il momomdan matematika fanini o‘zlashtirishga harakat qilyapman, — deydi Sevinch O‘rolova. — Yozgi ta’tilda har kuni kelib o‘rganyapman. Ustozimiz bizga bepul saboq beradi. Yaxshi o‘qisak, o‘rgatganlarini o‘z vaqtida o‘zlashtirsak xursand bo‘ladi.
