Termiz shahrining Kokildor ota mahalla binosi kapital ta’mirdan chiqarilib, bugun zamonaviy qiyofada foydalanishga topshirildi. Yangi binoda aholiga keng qamrovli xizmatlar ko‘rsatish, fuqarolar bilan ochiq muloqotlar o‘tkazish, yoshlar va nuroniylar ishtirokida ijtimoiy-ma’naviy tadbirlarni tashkil etish uchun barcha shart-sharoitlar yaratilgan. “Mahalla yettiligi” uchun alohida ish xonalari, kompyuter va texnik jihozlar bilan ta’minlangan.
Ochilish marosimida Termiz shahar hokimi Sharofiddin Lolayev boshchiligida shahar tashkilotlari va muassasalari rahbarlari, faxriylar, yoshlar va keng jamoatchilik vakillari ishtirok etdi. Mahalla aholisi bu yangilanishdan mamnunligini izhor etib, yaratilayotgan sharoitlar uchun minnatdorchilik bildirdi. Ayniqsa, yoshlar uchun yaratilgan imkoniyatlar, ma’naviy-ma’rifiy tadbirlarni o‘tkazish uchun mo‘ljallangan xonalar va texnik jihozlar barchaning e’tiborini tortdi.
