INSON ijtimoiy xizmatlar markazi tashabbusi bilan ochilgan ushbu kurs barcha uchun bo‘lib, malakali ustozdan dars oladi. Shu bilan birga, eshitishda va gapirishda nuqsoni bor insonlar bilan suhbat o‘tkazish imkoniyatiga ega bo‘ladi.
Kurs imo-ishora tilini o‘rganish yoki ko‘nikmalarini oshirish istagida bo‘lgan odamlarga mo‘ljallangan bo‘lib, o‘qituvchi ma’ruza, ko‘rgazmali va amaliy mashg‘ulotlardan foydalangan holda o‘quvchilarning malakasini oshirishga yordam beradi.
Yana bir e’tiborga molik jihati shundaki, o‘quvchilar faqat nazariy bilimlar bilan cheklanib qolmay, gapirishda va eshitishda nuqsoni bor insonlar bilan muloqot qilish orqali amaliyot olib borish imkoniyatiga ega bo‘ladi.
