O‘tkan yilgi “Besh tashabbus olimpiadasi” doirasida sportning gimnastrada musobaqasida Surxondaryo viloyati sharafini himoya qilgan oltinsoylik qizlar jamoasi faxrli 2-o‘rinni egallagan edi. Ana shu g‘alaba natijasida “Ipoq” mahallasida strit workout maydonchasi qurilishi boshlangan edi.
Qisqa muddat ichida sport maydonchasi qurilib, foydalanishga topshirildi. Endilikda ushbu sport maydonchasidan “Ipoq”lik yoshlarning barchasi foydalanib, vaqtlarini mazmunli o‘tkazish bilan birga, sog‘lom turmush tarzi uchun muhim qadamni tashlashadi.
Ajab emas, ular orasidan jahon chempionlari, olimpiada g‘oliblari yetishib chiqsa…
