Aholi muammolariga quloq tutish, hal etish ularning mushkul ini oson qiladi, hayotini yaxshilashga, turmushini farovonlashtirib, ertangi kuniga umid va ishonch bagʻishlaydi. Viloyat hokimi Ulug‘bek Qosimov rahbarligida shahar va tumanlar studiyalari orqali fuqarolarning navbatdagi ommaviy onlayn qabuli o‘tkazildi.
Qabul davomida 132 nafar fuqaroning 148 ta turli masaladagi murojaati tinglandi. Murojaatlarning 23 tasi qabul jarayonida ijobiy hal etildi. Qolgan 125 ta murojaat qo‘shimcha o‘rganish va vaqt talab etgani sababli viloyat, shahar va tuman darajasidagi mas’ul rahbarlarga biriktirilib, ijrosi nazoratga olindi.
