“Eco Expo Central Asia 2025” xalqaro ko‘rgazmasi doirasida China Everbright International Limited kompaniyasi bilan Surxondaryo viloyatida chiqindilarni qayta ishlashga ixtisoslashgan zamonaviy ishlab chiqarish korxonalarini barpo etish bo‘yicha muzokaralar o‘tkazildi.
Loyihaning dastlabki qiymati 100 million AQSh dollari miqdorida baholanmoqda. Tashabbus ekologik barqarorlik tamoyillariga asoslangan ilg‘or texnologiyalarni joriy etish, chiqindilarni samarali qayta ishlash orqali iqtisodiy va ekologik samaradorlikka erishishni maqsad qilgan.
Korxonalarining to‘liq quvvatda faoliyat yuritishi 2025–2027-yillar oralig‘ida amalga oshirilishi rejalashtirilgan. Muzokaralar yakunida tomonlar o‘rtasida hamkorlik memorandumi imzolandi.
