Cho‘l hududlarida aholining ichimlik suviga bo‘lgan ehtiyojini qondirish maqsadida Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi hamda Rossiyaning “Aquagenica” MChJ kompaniyasi o‘rtasida hamkorlik (kelishuv) bitimi imzolandi.
Kelishuv doirasida suv ta’minoti bo‘yicha ilg‘or texnologiyalarni joriy etish, cho‘l zonalarida ekologik xavfsiz va barqaror ichimlik suvi tizimlarini yaratish bo‘yicha loyihalarni ishlab chiqish va bosqichma-bosqich amalga oshirish rejalashtirilgan.
Ushbu tashabbus aholining hayot sifatini oshirish, cho‘l hududlarining ijtimoiy-iqtisodiy rivojlanishiga hissa qo‘shish va ekologik barqarorlikni ta’minlashga xizmat qiladi.
