Viloyatimizning barcha maktabgacha ta’lim tashkilotlarida “Xayr bog‘cha – salom maktab” shiori ostida bayram tadbirlari davom etmoqda. Shuningdek, Termiz tumanidagi 8-, 12- hamda 14-bog‘chalardagi jajji bolajonlarimiz o‘zlarining sevimli bog‘chasi-yu qadrdon do‘stlari va tarbiyachilari bilan xayrlashib, maktab tomon parvoz qilish munosabati bilan tadbir o‘tkazildi.
Mazkur tadbir ko‘tarinki ruhda, bolalar va ota-onalar ishtirokida bo‘lib o‘tdi. Ushbu tadbirda bolajonlarimiz tomonidan raqs va kuy-qo‘shiqlar, sahnaviy ko‘rinishlar namoyish etildi. Ilk marotaba maktabga qadam qo‘yayotgan tarbiyalanuvchilar uchun esdalik sovg‘alari taqdim etildi.
Mazkur tadbirlar bolajonlarning ta’lim jarayonidagi yangi bosqichga hozirligini oshirish, ularda maktabga nisbatan ijobiy munosabatni shakllantirishga xizmat qilmoqda.
