Oʻquvchilar ot sporti maktabida

Mamlakatimizda 1-iyundan 30-avgustgacha o‘quvchi-yoshlarning yozgi ta’til davrini mazmunli va foydali o‘tkazishga qaratilgan “Dolzarb 90 kun” loyihasi amalga oshirilmoqda. Mazkur loyiha doirasida Termiz tumanidagi maktablardan bir guruh o‘quvchilar uchun “Qorabayir otlari mahorat maktabi”ga tashrif tashkil etildi.Ekskursiya davomida yoshlar ot sporti maktabi faoliyati, otlarni parvarishlash jarayonlari va otchopar maydoni bilan tanishishdi. Uchrashuv maroqli oʻtdi va o‘quvchilar uchun otlarda sayr qilish imkoniyati yaratildi. Bunday tadbirlar bolalarning dunyoqarashini boyitish, ularni sport va sog‘lom turmush tarziga qiziqtirish, shuningdek, milliy merosimiz — qorabayir otlariga bo‘lgan qiziqishni oshirishga xizmat qilmoqda.