Asrga teng umr

Muzrabot tumanidagi “Xalq yo‘li” mahallasida yashovchi Halil bobo Nishonov 100 yoshni qarshi oldi. Asrga teng umr egasining hayoti, sabr-toqati, va farzandlariga bergan tarbiyasi har qanday inson uchun hayotiy saboq bo‘la oladi.
Halil bobo bugungi kunda 8 nafar farzand, 48 nafar nevara, 58 nafar chevara va 5 nafar evaraning bobosi sifatida avlodlariga ibrat bo‘lib yashamoqda. Yubiley munosabati bilan boboning xonadonida tantanali tadbir tashkil etildi. Unda Muzrabot tuman Nuroniylar jamg‘armasi raisi Eshqobil Sobirov ishtirok etib, Halil boboni qutlugʻ yosh bilan samimiy tabrikladi, to’n kiydirib, faxriy yorliq va esdalik sovg‘alari topshirdi.