Qo‘shiq aytish yoqadimi, demak xirgoyi qilib turish kerak. Balki surat chizish, qofiyani kelishtirib, ma’noli sartlarni bitishni istarmiz. Iqtidor ana shunday quyilib keladi va vaqtimizni maroqli o‘tishiga xizmat qiladi. Mana shunday ma’no kasb etadigan ish bu bizning ishimiz. Aks holda o‘z joyimizda emasmiz.
Sanʼat esa bizga ana shunday imkonni beradi. O‘zni cheklamasdan, chegaralamasdan qaror qabul qilish esa eng to‘g‘ri yo‘q. O‘z ishimizni, o‘z o‘rnimizni topish uchun esa ana shunday sinovlarda sinashta bo‘lish, ma’naviy ozuqa, estetik ruh oladigan joylarga tashrif buyurib turish lozim. Teatr esa xuddi shunday joy. Teatr – bu nafaqat tomosha maskani, balki tarbiya, madaniyat, maʼnaviyat va maʼrifat dargohidir.
Talabalarning darsdan bo‘sh vaqtlarini mazmunli tashkil etish, ularni sanʼatga bo‘lgan qiziqishini oshirish maqsadida Termiz iqtisodiyot va servis universiteti tomonidan Termiz shahridagi viloyat Qo‘g‘irchoq teatriga tashrif uyushtirildi.
Mazkur tashabbus doirasida universitetning guruh murabbiylari boshchiligida 100 dan ortiq talaba spektaklni katta qiziqish bilan tomosha qildilar. Tomosha davomida talabalarda milliy qadriyatlarimizga hurmat tuyg‘usi yanada mustahkamlandi.
