Tanlovda salohiyati namoyon

“Yilning eng faol kutubxonachisi” respublika ko‘rik-tanlovining viloyat bosqichi o‘tkazildi. Tanlovda ishtirokchilar to‘rtta shart bo‘yicha o‘zaro bahslashib, o‘zlarining nechog‘lik faol, salohiyatli ekanliklarini namoyon etishdi. Bir-biridan qiziqarli o‘tgan shartlar hakamlar hay’ati bilan birga tomoshabinlarning-da e’tiborini torta oldi. Yakunda Nilufar Azizova 1-o‘ringa munosib deb topildi.
Ushbu tanlov – kitob mutolaasi va kitobxonlik madaniyatini oshirishga doir targ‘ibot ishlarini tizimli va samarali tashkil etish, axborot-kutubxona sohasida yetuk mutaxassislarni aniqlash, ularning kasb mahoratini yanada oshirishga xizmat qildi.