Yoshlarni Vatanga muhabbat, harbiy burchga sadoqat ruhida tarbiyalash, sog‘lom turmush tarzini targ‘ib etish maqsadida “Yosh chegarachilar” harbiy-vatanparvarlik musobaqasi o‘tkazib kelinmoqda.
Musobaqaning viloyat bosqichi ko‘tarinki ruhda bo‘lib o‘tdi. Ishtirokchi jamoalar berilgan shartlarni tezkorlik, shijoat va mahorat bilan bajarib, o‘z imkoniyatlarini ishga soldilar. Murosasiz kechgan bellashuvda Uzun tumanining “Burgutlar” jamoasi faxrli 1-o‘rinni egallab respublika bosqichiga yo‘llanmani qo‘lga kiritdi.
