“Bilimdon o‘quvchilar” ikkinchi bosqichda

Joriy yilda O‘zbekiston PISA-2025 tadqiqoti bilan bir qatorda PIRLS-2026 tadqiqotining tajriba-sinov jarayonlarida ham ishtirok etishi belgilangan. Shu asosida “Bilimdon o‘quvchilar” onlayn tanlovining birinchi bosqichi o‘tkazilgan edi.
Viloyatimizda tanlab olingan 15 ta umumta’lim maktabida xalqaro PISA-2025 tadqiqotlariga doir “Bilimdon o‘quvchilar” onlayn tanlovi bo‘lib o‘tdi. Bunda o‘quvchilar test sinovlarida o‘z bilimlarini sinovdan o‘tkazishdi.
PISA tadqiqotlari 15 yoshli o‘smirlarning savodxonligi, kreativ va mantiqiy fikrlash qobiliyati, maktabda olgan bilimlarini real hayotiy vaziyatlarda qo‘llay olishi, bir so‘z bilan aytganda mustaqil hayotga tayyorgarligini baholovchi jarayon hisoblanadi.