Ishlar jadal tus olgan

Vohamiz bo‘ylab bahorgi obodonlashtirish ishlari jadal tus olgan. Yosh-u keksa, ishchi-xodim — barcha ona vatanimimizni obod va ko‘rkam qilish ishlariga o‘z hissasini qo‘shishayotir. Bugun ham erta tongdan davlat va jamoat tashkilotlari, kommunal xizmat ko‘rsatish sohasi hamda jamoatchilik vakillari ishtirokida o‘tkazilgan yig‘ilishda olib borilgan ishlar sarhisob qilinib, kelgusidagi vazifalar belgilab olindi.
Videokonferensaloqa shaklida o‘tkazilgan tadbirda Surxondaryo viloyati hokimi Ulug‘bek Qosimov ishtirok etib hududlar, sohalar va tarmoqlar kesimida amalga oshirilishi lozim bo‘lgan vazifalarni belgilab berdi.
Shundan so‘ng, obodonlashtirish ishlari doirasida gul ko‘chatlari ekish, mavjud yashil hududlarni parvarishlash hamda ko‘chalar va mahallalarni ozoda holga keltirish kabi ishlar amalga oshirildi. Barcha ushbu tadbirda faol ishtirok etib, o‘z yashash hududlari, mahalla, ziyoratgohlar, qabristonlar, ko‘chalar va xiyobonlarning obodligi va ozodaligini ta’minlashda o‘z hissalarini qo‘shishdi.