Mahalla jamiyatning kichik bo‘g‘inidir. Unda oilalarda tinch-totuvlikni saqlagan holda, insoniy fazilatlarini namoyon etib yashaydi. Mahalla faollari esa oilalarga bosh, osoyishtalikni ta’minlash, qadriyatlarni saqlash, jinoyatchilikning oldini olishda bosh-qoshdirlar.
Ana shunday faoliyatlarini munosib rag‘batlantirish maqsadida mahalla fuqarolar yig‘inlari xodimlari uchun yanada qulayliklar yaratilayotir. Angor tumanidagi “Sharq guli” mahallasi binosi foydalanishga topshirilgani esa bu boradagi harakatlarning amaldagi namunasi bo‘ldi.
Mahalla binosining tantanali ochilish marosimida mahalla faollari va fuqarolarining xursandchiligiga Surxondaryo viloyati hokimi Ulug‘bek Qosimov hamda tuman hokimi ham sherik bo‘ldi.
