Obodlik ishlari davom etmoqda

Vohamizning barcha hududlarida keng ko‘lamli bunyodkorlik, obodonlashtirish va ko‘kalamzorlashtirish ishlari izchil davom etmoqda. Viloyat hokimi Ulug‘bek Qosimov mazkur yo‘nalishdagi ishlar samaradorligini o‘rganish maqsadida Termiz shahri, Termiz, Jarqo‘rg‘on, Qumqo‘rg‘on, Sho‘rchi va Denov tumanlarida bo‘ldi.
Jumladan, Termiz shahrida “Yoshlar va turizm” ko‘chasi hamda “Boqiy shahar” majmuasida olib borilayotgan ishlar, Termiz tumanidagi “Termiz” erkin iqtisodiy zonasidagi loyihalar qurilishi o‘rganildi. Shuningdek, M-41 avtomagistral yo‘li bo‘ylab joylashgan hududlarda amalga oshirilayotgan obodonlashtirish ishlari, belgilangan vazifalarning ijrosi va loyihalarning borishi ko‘zdan kechirildi. Har bir obyekt bo‘yicha mutasaddi mas’ullarga aniq vazifalar yuklatildi.