Muborak Ramazon hayitining birinchi kuni Termiz tumanida ham shod-u xurramlik va shukronalik kayfiyatida boshlandi. Erta tongdan Varroq Termiziy jome’ masjidida hayit namozi ado etildi.
Unga 1,5 mingga yaqin tuman ahli va mehmonlar yig‘ildi. Hayit ma’ruzasida ma’naviy qadriyatlarimizning yuksalishi, bugungi farovon hayotimizning mazmun-mohiyati haqida so‘z yuritildi.
Shuningdek, insonlarga mehr ko‘rsatish, ularning dardu tashvishlariga sherik bo‘lib, yaxshilik qilishning ulug‘ fazilati ta’kidlandi.
Yurtdoshlarimiz bu saodatli kunlarga yetkazgani uchun shukrona aytib, yurtimizga tinchlik-xotirjamlik, omonlik va qut-baraka tilab duoga qo‘l ochdilar.
