iAsosiy fan olimpiadasining respublika bosqichi o‘z yakuniga yetdi. Bugun bilimdonlar bahsining g‘olib va sovrindorlari aniqlandi. Termiz shahridagi San’at saroyida o‘tkazilgan taqdirlash marosimida viloyat Maktabgacha va maktab ta’limi boshqarmasi boshlig‘i Xusniddin Mamadiyev, vazirlik mas’ullari va boshqalar ishtirok etishdi.
Tadbirda faxrli 1-2-3-o‘rinlarni qo‘lga kiritgan o‘quvchilarga diplom, belgilangan miqdorda pul mukofotlari, qimmatbaho sovg‘alar topshirildi. Shuningdek, hakamlar hay’ati a’zolari va olimpiada tashabbuskorlari tashakkurnomalar bilan taqdirlandi.
Quvonarlisi, tojik tili fanidan 1-o‘rin – Farxunda Iskandarova – Sariosiyo tumanidagi 38-maktab o‘quvchisi;Ona tili va adabiyoti fanidan 2-o‘rin – Jasmina Jo‘rayeva – Qiziriq tumanidagi 36-maktab o‘quvchisi;Geografiya fanidan 3-o‘rin – Durdona Turdiyeva – Jarqo‘rg‘on tumanidagi 54-maktab o‘quvchisiga nasib etdi.
G‘oliblikni qo’lga kiritgan fanidan OTMlariga kirish imtihonlarida maksimal ball beriladigan imtiyozga ega bo‘ladilar.
