Zulfiya izdoshi bilan suhbat

Termiz shahridagi Prezident maktabida Zulfiya nomidagi Davlat mukofoti sovrindori Abdusaidova Gulruxsorabegim Komiljon qizi bilan davra suhbati tashkil etildi.
Samimiy tarzda bo‘lib o‘tgan suhbatda Gulruxsorabegim o‘zining erishgan yutuqlari, ilm yo‘lidagi mashaqqatli mehnatlari haqida so‘z yuritdi. Shuningdek, muhtaram Prezidentimiz Shavkat Miromonovichdan Zulfiya nomidagi Davlat mukofotini qabul qilgandagi hayajonli lahzalarni Prezident maktabida tahsil olayotgan uka-singillari bilan bo‘lishdi.
Ayniqsa, 10 dan ortiq davlatda bo‘lgan Gulruxsorabegim tomonidan xalqaro oliy ta’lim muassasalari, xorijiy mamlakatlarda tahsil olishning, malaka oshirishning afzalliklari to‘g‘risidagi qilingan taqdimot o‘quvchilar uchun qiziqarli hamda manfaatli bo‘ldi.