Limon qalamchalari ekildi

Bahor boshlanishi bilan atrofni obodonlashtirishga, gul-u rayhonlar, daraxt ko‘chatlari ekishga, ekilganlarining ostini yumshatib, bandini oqlashga tushib ketamiz. Denov tumanida ham ayni sa’y-harakatlar qizg‘in tus oldi. Tumanda “Yashil makon” umummilliy loyihasi doirasida limon ko‘chatlarini yetishtirish uchun 1 millionta limon qalamchalari ekildi.
Shuningdek, mahallalarda, bo‘sh turgan yer maydonlarida, qabriston va qadamjolarda xurmo va boshqa turdagi mevali hamda manzarali ko‘chatlarni ekish bo‘yicha ish tashkil qilindi. Mazkur loyiha asosida tuman hokimi hamda sektor rahbarlari, keng jamoatchilik vakillari mahallalarda daraxt ko‘chatlarini ekish tadbirlarida ishtirok etishayotir.