Roʻzayi ramazon oyi boshlanib, odamlar bir-birlariga yaxshilik qilishga, ehson ulashishga harakat qilishayotganini koʻrib, kuzatib, kishining koʻngli koʻtariladi. Ana shunday xayr-u saxovat tadbirlariga katta eʼtibor qaratilayotgani, bozorlarimizda narx-navoning arzonlashtirilayotgani roʻzadorlarimiz uchun ancha qulaylik yaratadi. Viloyatimizning barcha markaziy bozorlarida maxsus savdo yarmarkalari tashkil etilgan. Ularning uzluksiz ishlashi taʼminlangan.
Surxondaryo viloyati hokimi Ulug‘bek Qosimov Termiz shahridagi “Yashil dunyo” markaziy dehqon bozorida tashkil etilgan arzonlashtirilgan oziq-ovqat mahsulotlari yarmarkasi faoliyati bilan tanishdi. U yerda mahsulotlar sifati va narxlari o‘rganilib, ayniqsa, go‘sht mahsulotlari hajmini oshirish hamda narxlarni pasaytirish bo‘yicha tegishli ko‘rsatmalar berildi.
Shuningdek, asosiy turdagi oziq-ovqat mahsulotlarining yetarli zaxirasini yaratish, kunlik talabga muvofiq savdoga chiqarish hamda yarmarkalarning Ramazon oyi davomida uzluksiz faoliyat yuritishini ta’minlash vazifalari belgilab berildi.
Bundan tashqari, bozor hududida sanitariya-gigiyena talablariga rioya etilishi, savdo joylarining tozaligi hamda sotuvchi va xaridorlar uchun qulay shart-sharoitlar yaratilganligi o‘rganildi. Aniqlangan kamchiliklarni qisqa muddatda bartaraf etish bo‘yicha mas’ullarga topshiriqlar berildi.
