Milliylikka qaytish bahonasida

Mahalla yoshlari o‘rtasida viloyat hokimi kubogi uchun “Milliy xalq o‘yinlari” musobaqalariga start berilgan edi. Ayni kunlarda barcha tuman (shahar)larda ushbu musobaqaning tuman (shahar) bosqichi bo‘lib o‘tmoqda.
Navbatdagi musobaqa Oltinsoy tumanida tashkil etilib, yoshlar kurash tushishlariga, arqon tortishib, tosh ko’tarib, kuchlarini sinovdan o’tkazishlariga to’g’ri keldi.
Muhimi, yoshlar milliy xalq o’yinlarini o’ynab, dildan yayrashdi. Milliylikka qaytish bahonasida kengliklarda yayrashdi, chiniqishdi, xalq o’yinlari zavqini tuyishdi. Munosib ishtirok etgan o’g’lonlar, jamoalar esa musobaqa so’nggida munosib rag’batlantirildi.