Yoʻlga otlandikmi, manzilimizga zumda yetishni istaymiz. Eng qulay avtoulov esa avtobusdir. Shahrimizga yangi va zamonaviy avtobuslar keltirilishini eshitgan borki, qulaylikdan mamnun boʻladi. Xitoyning “Zhongtong Bus Holdings Co., Ltd” kompaniyasi, CIB banki hamda “SINOSURE” sug‘urta tashkiloti vakillari bilan videokonferensaloqa shaklida muzokaralar o‘tkazildi.
Muzokaralar davomida Termiz, Olmaliq va Toshkent shaharlariga zamonaviy avtobuslarni xarid qilish loyihalarini moliyalashtirish masalalari muhokama qilindi. Xususan, Termiz shahrida jamoat transporti xizmatlari sifatini oshirish maqsadida “Termiztransportxizmat” MCHJ tomonidan 100 dona zamonaviy avtobus sotib olish rejalashtirilmoqda.
Ushbu loyiha shahar aholisi uchun qulay, xavfsiz va samarali transport xizmatlarini tashkil etishga xizmat qiladi.
