Banklar 12 oydan ortiq muddat davomida amaliyotlar ro‘y bermagan kartalarni bir tomonlama bloklashlari mumkin. Bu haqda Humo to‘lov tizimi matbuot xizmati xabar bermoqda.
“Kutilmaganda bloklanishning oldini olish uchun, foydalanilmayotgan Humo kartalarni oldindan vaqtinchalik bloklab qo‘yish tavsiya etiladi. Bu kartalar xavfsizligini ta’minlashga va ularni bank tomonidan (zaruriyatsiz) bloklanishining oldini olishga yordam beradi.
Biroq Markaziy bank tijorat banklari uchun 1 yildan beri foydalanilmayotgan kartalarni bloklash bo‘yicha talablar joriy etilishini rasman e’lon qilmagan.Ayni paytda tijorat banklari tomonidan fuqarolarga tegishli bank kartalari haqida SMS xabarlar yuborilmoqda. Markaziy bank bunga izoh berib, ushbu SMS xabarlar fuqarolarni ularning nomiga rasmiylashtirilgan bank kartalari to‘g‘risida xabardor qilish maqsadida yuborilayotganini bildirdi.
