Mavsumga start berildi

Yoshlar uchun orziqib kutilgan “Besh tashabbus olimpiadasi”ning 2025-yilgi mavsumi Termiz shahrida tantanali tarzda ochib berildi! Ushbu sport va madaniyat bayrami mamlakatimiz yoshlari uchun yangi marralar sari muhim qadam boʻlib xizmat qiladi.
Ochilish marosimiga Oʻzbekistonning barcha 14 ta hududi va 208 ta tuman (shahar)lari ham bir vaqtning oʻzida onlayn tarzda bogʻlanib, ushbu muhim tadbirning jonli guvohiga aylanishdi.
Marosimda Surxondaryo viloyati yoshlari ham faol ishtirok etib, oʻz jamoaviy ruhlari va sportga boʻlgan muhabbatlarini namoyon qilishdi. Ushbu tantanali lahzalarda so‘zga chiqqanlar Surxon yoshlariga mavsumdagi tanlov hamda musobaqalarda omad va zafarlar yor boʻlishini tilashdi.