“Turon yoʻlbarslari” bellashishdi

Surxondaryo viloyatida joylashgan Ixtisoslashtirilgan ta’lim muassasalari agentligi tizimidagi maktab oʻquvshilari oʻrtasida “Turon yoʻlbarslari” harbiy-sport musobaqasining hududiy bosqichi bo‘lib o‘tdi. Unda Termiz shahridagi Prezident maktabi hamda hududlardagi ixtisoslashtirilgan maktab o‘quvchilari belgilangan harbiy vatanparvarlik ruhidagi shartlarda o‘zaro bellashishdi.
O‘quvchi yoshlarning jismoniy tayyorgarligi, kuch va mahoratlari sinovdan o‘tgan shartlar qiziqarli va murosasiz bahslarga boy bo‘ldi. Asosiysi, ishtirokchilar ham, tomoshaga kelganlar ham o‘tgan vaqtidan achinishmadi. Natijalarga ko‘ra Termiz shahridagi Prezident maktabining “Desantchilar” jamoasining mutlaq g‘olib bo‘lishiga bir bahiya qolganda Termiz shahridagi 1-son ixtisoslashtirilgan maktabining “Elparvar” jamoasining qo‘li baland keldi va birinchi o‘rinni egalladi.