Milliy liboslarda xalqimizning tarixi, qadimiy urf-odat va an’analari, didi, estetik qarashlari mujassam etgan bo‘lib, hozirgi kunda milliy liboslar jozibasini yoshlar o‘rtasida keng targ‘ib etish g‘oyat muhim ahamiyat kasb etadi.
Termiz davlat pedagogika institutida “Milliy libos — millat timsoli” mavzusida badiiy tadbir bo‘lib o‘tdi. Unda, Xalq deputatlari Termiz shahar Kengashi deputatlari Dilbar Normurodova, Sayyora Xadjayeva, Mahbuba Ro‘ziyeva hamda institutning professor-o‘qituvchilari va talaba-qizlari ishtirok etishdi.
Tadbir davomida, milliy liboslarning tarixi, ularning turli hududlardagi o‘ziga xos xususiyatlari haqida suhbatlashildi. Shuningdek, yoshlar o‘rtasida milliy madaniyatimizga bo‘lgan hurmatni oshirishga qaratilgan videoroliklar namoyish etildi.
