“Taxta” bozori o‘rnida savdo kompleksi quriladi

Termiz shahri “Surxon sohili” mahallasida joylashgan “Taxta” bozori o‘rnida zamonaviy qurilish materiallari savdo kompleksi hamda hududda joylashgan bo‘sh yer maydonida sanoat zonasi qurish bo‘yicha loyiha takliflari ishlab chiqilib, viloyat rahbariga taqdimot qilingani hafida xabar berilgandi. Mazkur loyihalarning qurilishiga start berildi. Tadbirda Surxondaryo viloyati hokimi Ulug‘bek Qosimov, mutasaddilar, loyiha tashabbuskorlari hamda nuroniylar ishtirok etdi.
Viloyat rahbari loyihaga tamal toshini qo‘yib berdi hamda mutasaddilarga qurilish ishlarini sifatli va muddatida amalga oshirish topshirig‘ini berdi. Shuningdek, hududlarda bir kunlik bozorlarning rekonstruksiyasi yuzasidan mas’ullarning axborotlari tinglandi.