“Ibratli sudya” mukofoti sudyalarning faoliyatini rag‘batlantirish va ularning xolisona ishlashini ta’minlashga xizmat qiladi. Sudyalar oliy kengashida odil sudlovni amalga oshirishda alohida namuna ko‘rsatgan sudyalarning 18 nafari ushbu mukofotga sazovor bo‘ldi. Ular orasida 3 nafar Oliy sud, 3 nafar viloyat va unga tenglashtirilgan sudlar hamda 12 nafar birinchi instansiya sudlari sudyalari bor.
Shuningdek, mukofot sohiblari orasida Surxondaryo viloyati jinoyat ishlari bo‘yicha Sho‘rchi tuman sudi raisi To‘lqin Abdiraimov ham bor. U 2015-yildan buyon sudyalik lavozimida ishlab kelmoqda va 2024-yildan Sho‘rchi tuman sudi raisi sifatida faoliyat yuritmoqda. To‘lqin Abdiraimov o‘zining bilimliligi, kasbiy malakasi, xolisligi va odil sudlovni ta’minlashga qo‘shgan hissasi bilan ajralib turadi.
“Ibratli sudya” mukofoti – odillik va shaffoflikning e’tirofi!
Asqar Qudratov
