Maktabgacha va maktab ta’limi vazirining 2024-yil 29-maydagi “Xalqaro tajriba asosida umumiy o‘rta ta’lim maktablari o‘quvchilarini kasbiy rivojlantirish hamda o‘quvchilarning aniq va tabiiy fanlar bo‘yicha bilimlarini oshirish to‘g‘risida”gi 177-son buyrug‘iga muvofiq Singapurning xalqaro ta’lim tashkiloti bilan hamkorlikda sun’iy intellektga asoslangan raqamli ta’lim platformasi (Cerebry) orqali o‘quvchi va o‘qituvchilarning xalqaro tadqiqotlar jarayoniga samarali tayyorgarlik ko‘rish vazifalari belgilangan.
Shu maqsadda, Uzun va Sariosiyo tumanlaridagi maktablarning o‘quv ishlari bo‘yicha direktor o‘rinbosarlari hamda informatika va axborot texnologiyalari fani o‘qituvchilari uchun seminar-treninglar tashkil etildi. Unda mutaxassislar tomonidan ishtirokchilarga raqamli ta’lim platformasi haqida batafsil ma’lumot berildi. Qatnashchilar o‘zlarini qiziqtirgan savollariga javob olishdi.
