Qishki ta’til biz bilan maroqli

Uzun tumani “Barkamol avlod” bolalar maktablari tomonidan qishki ta’til davrida o‘quvchilarning bo‘sh vaqtini mazmunli o‘tkazish, ularning to‘garaklarga bo‘lgan qiziqishlarini oshirish va aqliy kamol topishiga ko‘maklashish maqsadida davra suhbatlari tashkil etilmoqda. Ayniqsa, sport turlari bo‘yicha o‘tkazilayotgan musobaqalar yoshlarning vaqtini maroqli o‘tkazish bilan birga sog‘lom turmush tarzini odatlantirishga, sportga qiziqishlarini oshirib, yanada chiniqishlarida muhim ahamiyat kasb etmoqda.
Vohamizning diqqatga sazovor joylari, madaniy meros obyektlari, ziyoratgoh va muqaddas qadamjolar, muzeylarga uyushtirilayotgan sayohatlardan ham yoshlar olam-olam zavq olishayotir. Ijodiy ishlar — rasmlar ko‘rgazmalari esa barcha ijodga, san’atga oshno etayotir. Bir so‘z bilan aytganda qishki ta’til kunlarini maroqli va mazmunli o‘tkazish ishlari davom etadi.