Qahramonlar oramizda bo‘lsa, ularning yutuq va muvaffaqiyatlari yoshlarni yanada ruhlantiradi. Sohalarda yuqori natijalarga erishishga ishtiyoqini oshiradi. Jarqo‘rg‘on tumanidagi 66-umumta’lim maktabida nuroniylar, keng jamoatchilik vakillari, yoshlar ishtirokida tadbir tashkil etildi. Unda sportchi Bahodir Jalolov ishtirok etib, 20 nafar ijtimoiy himoyaga muhtoj oila farzandlariga sovg‘alar topshirdi.
Shuningdek, maktab qoshida yoshlar uchun zamonaviy boks zali ham foydalanishga topshirildi. Barcha qulayliklarga ega bo‘lgan mazkur zalda endilikda o‘quvchilar boks sport turining sir-asrorlarini o‘rganishadi.
