Tozalash ishlari olib borilmoqda

Surxondaryo viloyatining barcha hududlarida qor yog‘ib, ob-havo o‘z ishini qildi. Ana shunday sharoitda barcha uylarida, issiqqina o‘rinlarida qaynoqqina choyichib, televizor ko‘rayotgan, munosib xordiq chiqarayotgan bir paytda aholiga qulaylik yaratish maqsadida Sariosiyo tumanida ko‘chalarni va daraxtlarni qordan tozalash ishlari davom etmoqda. Sariosiyo tumanidagi barcha tashkilotlar, Obodonlashtirish boshqarmasi hamda tuman Yo‘llardan foydalanish davlat muassasasi xodimlari tomonidan maxsus texnikalar jalb qilingan holda yo‘llarda harakat xavfsizligini ta’minlanmoqda, xalqaro va mahalliy ahamiyatiga ega avtomobil yo‘llariga tuz va qum aralashmasi sepib chiqilmoqda. Jumladan, Sharg‘un shahridagi “Diyorbek Quruvchi Davr” xususiy korxonasi tomonidan ko‘p qavatli uy-joy yo‘laklari tozalash, tuz sepish va daraxtlarni qorini tushirish ishlarini uzluksiz ravishda amalga oshirmoqda.