Bayramlarning ko‘p va xo‘b bo‘lgani yaxshi. Ammo xavfsizlik choralarini ham ko‘rib qo‘yish, bayramni ko‘ngildagidek o‘tishini kafolatlaydi. Yangi yil bayramini kutib olish tadbirlarida turli xil ko‘ngilsiz hodisalarning oldini olish maqsadida Angor tumanida aholi gavjum yig‘iladigan, bayram archalari o‘rnatiladigan barcha obyektlarda, maktab va maktabgacha ta’lim muassasalarida profilaktik tadbirlar o‘tkazilmoqda.
Tumanning markaziy o‘yingohida o‘rnatilgan Yangi yil archasi oldida favqulodda vaziyatlar sodir bo‘lganda to‘g‘ri harakat qilish bo‘yicha amaliy mashg‘ulotlar tashkil etildi. Shuningdek, xavfsizlik qoidalari aks ettirilgan eslatmalar tarqatildi.
