Qahramon Quranboyev Denovda

O‘zbekiston mahallalar uyushmasining raisi Qahramon Quranboyev ayni paytda Surxondaryo viloyatida bo‘lib turibdi. Raisga O‘zbekiston mahallalari uyushmasi Surxondaryo viloyati boshqarmasi boshlig‘i Saydulla Abduraimov hamrohlik qildi. Mahallalar uyushmasining raisi tumandagi “mahalla yettiligi” faoliyatini o‘rgandi. Xususan, Zahiriddin Muhammad Bobour, “Quyoshli yurt” mahalla fuqarolar yig‘inida faoliyat yuritayotgan “mahalla yettiligi” bilan suhbatlashdi.
Suhbat davomida aholidan tushayotgan muammolar va ularning yechimlariga tezkorlik bilan chora-tadbirlar belgilashda olib borayotgan ishlari yuzasidan ma’lumotlari tinglandi. Shuningdek, “mahalla yettiligi”ga aholi bilan ishlashda samarali natijaga erishish uchun yana qanday ko‘mak berilishi borasida takliflari tinglandi.
So‘ng Qahramon Quranboyev “Quyoshli yurt” mahallasida bo‘lib, “Yashil makon” umummilliy loyihasi bo‘yicha tumanda olib borilayotgan ishlarni ko‘zdan kechirdi. Unda Muhiddin Ochilov, Oybek Sattorov hamda G‘ulom Karimov xonadonlarida bo‘lib, gulchilik, ziravorchilik va limon yetishtirishning mahalliy parvarish qilinishi xususida xonadon sohiblari bilan suhbatlashdi.
Mazkur mahallada “Yashil mahalla” nom ostida har bir xonadonda daraxt va gul ko‘chatlari yetishtirilmoqda. Ayni vaqtda gul yetishtiruvchi xonadonlarda bahorgi gul ko‘chatlar tayyorlanib nihol holatiga keltirilgan.