Madhiyamiz — faxrimiz

O‘zbekiston Respublikasi Davlat madhiyasi yoshlarda Vatanga muhabbat, boy tariximizga, milliy o‘zligimizga chuqur hurmatni shakllantirishda, farzandlarimizning har tomonlama barkamol va yetuk insonlar bo‘lib voyaga yetishida muhimdir. Shu maqsadda madhiyamiz haqida yoshlarga keng tushunchalar berilib, bog‘cha, ilk maktab yoshidayoq madhiyamiz yod oldiriladi.
O‘zbekiston Respublikasi Davlat madhiyasining 32 yilligi munosabati bilan Termiz davlat universitetida “Madhiyamiz —faxrimiz” mavzusida tadbir o‘tkazildi. Unda Xalq deputatlari viloyat Kengashi deputati Bibixol Karimova universitet talabalariga madhiyamiz haqida o‘z fikr-mulohazalarini aytib o‘tdi.
Madhiyaning yaratilish tarixi, matnining mazmundorligi barchada katta qiziqish uyg‘otdi.
Shahlo Tangirova,
“Milliy tiklanish” demokratik partiyasi Surxondaryo viloyati Kengashi jamoatchilik bilan aloqalar va OAV bilan ishlash bo‘yicha bosh mutaxassisi