Mavsumga start berildi

“Bir million o‘zbek dasturchilari” — O‘zbekistonda bir million mahalliy dasturchini tayyorlash loyihasi bo‘lib, loyihada yoshlarni zamonaviy kasblarga bepul onlayn kurslar tashkil etilgan holda o‘qitish maqsad qilingan. Joriy yilning “Yoshlar va biznesni qo‘llab-quvvatlash yili” deb e’lon qilinganligi ushbu tashabbusning dolzarbligini yanada oshirdi. Onlayn kurslar uzbekcoders.uz platformasi orqali yo‘lga qo‘yilmoqda.
Toshkent shahridagi Inha universitetida “Bir million oʻzbek dasturchisi” loyihasining navbatdagi ikkinchi mavsumiga start berildi. Ushbu loyiha 2025-2026-yillar rejasida xalqaro IT sertifikatlarni olganlar sonini 2,5 million nafarga, professional xalqaro IT sertifikatlar olganlar sonini esa 30 ming nafarga yetkazishga xizmat qiladi. Qolaversa, loyiha doirasida yuqori natija ko‘rsatgan eng yaxshi 2 ta maktabga Prezident sovg‘asi sifatida elektromobillar berilishi ham rejalashtirilgan. Shu bilan birga, loyiha doirasida 14 ta hududda eng yuqori natija ko‘rsatgan o‘quvchilarga 700 ta noutbuk, Top-10 nafar o‘qituvchilar chet-elga sayohat, loyiha doirasida eng yuqori natija ko‘rsatgan 100 ta o‘qituvchiga 10 mln so‘mdan pul mukofoti va Top-3 oliy ta’lim muassasalariga pul mukofotlari beriladi.