Yaxshilik ortidagi yaxshilik

…Kuz. Mayda qadamlar bilan qo‘shnini uyidan sut olib kelayotgan Ro‘zigul xola kutilmagan mehmonlarning tashrifidan, asosiysi tomorqasiga ekin ekib berishganidan, uyining devorini oqlab, darvozasini ranglab berganidan juda quvondi.
— To‘g‘risi xonadonimga kelib, uy-joyimni saranjomlab berishganidan, mana bunday oqlab, tartibga keltirishda amaliy yordam bergan Bo‘ron Mengboyev rahbarlik qilayotgan Obodonlashtirish bo‘limi xodimlaridan mamnunman, — deydi Sho‘rchi tumanining “Navro‘z” mahallasida yashovchi Ro‘zigul Allaberdiyeva. — Ular menga begona bo‘lishsa-da, yaxshilik qilishdi. O‘ylab yurgan muammolarimni hal qilishdi. Bu yaxshiliklarini hech qachon unutmayman.
Yaxshilik ortidan albatta, yaxshilik keladi. Tuman Obodonlashtirish boshqarmasi xodimlari Bo‘ron Mengboyev boshchiligida “Navro‘z” mahallasida yashovchi Zovra Musayevaning xonadonini ham tartibga solishda amaliy yordam berishdi.