Bugun qaysidir kasblar rivojlandi, qandaydir kasbga talab yo‘qoldi. Yangidan yangi kasblar vujudga keldiki, o‘z navbatiga unga qiziquvchilar auditoriyasi ham shakllandi. Albatta, yangi kasblarni o‘zlashtirishda muammolarga duch kelish, ularni yechimini topishni talab etadi. Termiz davlat universitetida “Badiiy grafika va dizayn sohasida bo‘lajak mutaxassislarni tayyorlashning dolzarb muammolari va yechimlari” mavzusida respublika ilmiy-amaliy konferensiya ham ayni maqsadda o‘tkazildi.
Unda asosiy e’tibor badiiy grafika, dizayn, yengil sanoat va muhandislik grafikasi sohasida bo‘lajak mutaxassislarni tayyorlashda mavjud muammolarni o‘rganish va ularning yechimiga tavsiyalar ishlab chiqishga yo‘naltirildi. Ushbu konferensiya onlayn va oflayn formatda tashkil etildi.
Unda respublikamizning qator institut va universitetlaridan professor-o‘qituvchilar ishtirok etishdi. Qatnashchilar yalpi majlisdan so‘ng 3 ta yo‘nalish bo‘yicha sho‘balarga bo‘lingan holda ma’ruzalar qilishdi.
