Talaba qizlar bellashdi

Yurtimiz bo‘ylab “Besh tashabbus” olimpiadasi doirasida turli yosh toifalarida sport musobaqalari o‘tkazib kelinmoqda. Ana shunday musobaqalarning navbatdagisi Surxondaryodagi oliy ta’lim muassasalari talabalari o‘rtasida voleybol sport turi bo‘yicha o‘tkazildi.
Termiz davlat universitetida o‘tkazilgan musobaqalarda oliygohlarning qizlar jamoalari o‘zaro kuch sinashishdi. Qizg‘in va murosasiz bahslar yakunlariga ko‘ra, Toshkent tibbiyot akademiyasi Termiz filiali jamoasi 3-, Termiz davlat universiteti jamoasi 2-, Termiz davlat pedagogika instituti jamoasi esa 1-o’rinni qo‘lga kiritdi.
Shuningdek, talaba yoshlar “Besh tashabbus” olimpiadasi doirasida 5 ta sport turi bo‘yicha hududiy bosqich birinchiligi uchun kurash olib borishdi.