Bo‘sh vaqti mazmunli o‘tmoqda

Sho‘rchi tuman hokimi Akbarali Ishmurzoyev chegara bilmas imkoniyatlardan samarali foydalanayotgan “Nurli maskan” maktab internatida bo‘lib, imkoniyati cheklangan bolalar o‘rtasida paraolimpiada sport musobaqalariga kiritilgan para dzyudo, yengil atletika, golbol, shaxmat va shashka to‘garaklari faoliyati bilan tanishdi. Aytish kerakki, maktab internatida o‘quvchilar bo‘sh vaqtlaridan mazmunli foydalanishadi. Buning uchun sport to‘garaklari tashkil qilingan. Ular to‘garaklarda faol ishtirok etib, musobaqalarda o‘zlarini sinab g‘olib bo‘lishayotgani ham haqiqat.Albatta, yurtimizda imkoniyati cheklangan o‘quvchilar uchun ham barcha sharoitlar yaratilgan. Sarhad bilmas imkoniyatlardan o‘z vaqtida samarali foydalanayotgan o‘quvchilarning borligi bizni-da quvontirdi. Paraolimpiada musobaqalarida faol ishtirok etib, faxrli o‘rinlarni olgan o‘quvchilar tuman hokimligi tomonidan taqdirlanishdi.