Obodlik kasb etib…

Bugungi kunda atrofimiz, ko‘cha va mahallamiz zamonaviy ko‘rinish kasb etgan. Osmono‘par binolar, takrorlanmas dizaynga ega ko‘rinish har birimizni mahliyo etayotgani rost. Albatta, bunday shart-sharoit va qulayliklarda yashashni orzu qilmaydigan inson bo‘lmasa kerak. Yaratilayotgan shart-sharoitlarga javoban har birimiz ko‘chamiz, mahallamizni toza-ozoda tutishimiz hudud fayzini yanada oshiradi. Qolaversa, yoshlarni, atrofdagilarni bunyodkorlikka, yaratuvchanlikka chorlaydi.
Ayni jihatlarni inobatga olgan holda Sariosiyo tumani “Lutfkor” mahallasidagi Yangi O‘zbekiston massivida ham obodonlashtirish ishlari amalga oshirilmoqda. Massiv atrofiga daraxt va buta ko‘chatlari ekilib, yashil hududlarni parvarishlash ishlari qizg‘in tus olgan.