Kitobxon yoshlar safi kengayib bormoqda. Ular o‘qigan asarlar haqida suhbatlashsangiz, albatta, ayni asarlarni o‘qishni ko‘nglingizga tugasiz. Jo‘shqin taassurotlarni eshitish kishiga ana shunday motivatsiyani beradi. Termiz iqtisodiyot va servis universiteti talabasi Mustafo Xurramov ham kitobxon yoshlardan.
U bilimlarini sinashning imkoni tug‘ilganidan quvonib, Oliy taʼlim, fan va innovatsiyalar vazirligi tomonidan o‘tkazilgan “Kitobxon yoshlar ligasi” onlayn kitobxonlik tanloviga ishtirok etdi. Tanlovning so‘nggi — 4-mavsumiga qadar ishtirok etib, faollik ko‘rsatdi. Natija esa yomon bo‘lmadi, Mustafo “Eng faol targ‘ibotchi” nominatsiyasi g‘olibi bo‘ldi.
Respublikadagi barcha oliy taʼlim muassasalari, akademik litseylar hamda professional taʼlim muassasalarida tahsil olayotgan talaba-yoshlar ishtirok etgan tanlovda g‘oliblar Toshkent shahrida vazirlik binosi amfiteatrida sertifikat va qimmatbaho sovg‘alar bilan taqdirlandi.
Date:
Tavsiya qilamizRelated
Ko‘kalamzorlashtirish ishlari davom etmoqda
Angor tumanida hududlar ozodaligini ta’minlash, ko‘cha va yo‘l yoqalarini...
Uchinchi bosqichga start berildi
Surxondaryo viloyati hokimi Ulug‘bek Qosimov boshchiligida videokonferensaloqa shaklida yig‘ilish...
