Inson qadri ulug‘langan yurt o‘zgarishlar ostonasida

Oddiygina elektr pechingiz bo‘lsa, non, pishiriqlar pishirib, dasturxoningizni bezaysiz, oilangiz, farzandlaringizni mazali taomlar bilan siylaysiz. Bu bilan kifoyalanmay, shirinliklar, pishiriqlarni buyurtma asosida tayyorlab ham daromad ko‘rishingiz mumkin. Muhimi, tadbirli bo‘lsangiz bo‘ldi. Prezidentimizning 2024-yil 23-sentabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risidagi qarori yuzasidan Sherobod tumanida ijtimoiy himoyaga muhtoj, oilalarga elektr pechlar topshirilgani xotin-qizlarga ana shunday imkonni berdi. Sherobod tuman hokimi U.Alimov va tuman hokim o‘rinbosari Oila va xotin-qizlar bo‘limi boshlig‘i G.Aminova sektor rahbarlari ishtirok etib, davlatimiz tomonidan 84 nafar ijtimoiy himoyaga muhtoj oilalarga elektr pech tarqatildi. “Inson qadri uchun” tamoyili asosida odamlarni rozi qilish mamlakatimizda amalga oshirilayotgan islohotlarning ustuvor yo‘nalishiga aylangan.